काठमाडौँ, १५ जेठ । सरकारले सामुदायिक विद्यालयमा अध्ययनरत बालबालिकाहरुका लागि दिदै आएको दिवा खाजा कार्यक्रमलाई निरन्तरता दिएको छ । आगामी आर्थिक बर्षको बजेट सुनाउने क्रममा अर्थ मन्त्री डा प्रकाशशरण महतले सो जानकारी दिएका हुन् ।

उनले दिवा खाजा कार्यक्रमका लागि ८ अर्व बजेट विनियोजन गरिएको बताए । उनले दिवा खाजा कार्यक्रममा जंकफुड निषेध गरिएको बताए । दिवा खाजा कार्यक्रममा स्थानीय तहमा उपलव्ध पोषणयुक्त खाजा उपलव्ध गराउनुपर्ने बताए ।

यस्तै सरकारले विद्यालयका छात्राहरुलाई निशुल्क स्यानिटरी प्याड उपलव्ध गराउने कार्यलाई निरन्तरता दिएको बताएको छ ।

उनले निशुल्क स्यानिटरी प्याडका लागि आफूले १ अर्व ४२ करोड बजेट विनियोजन गरेको समेत जानकारी दिए ।