काठमाडौं, १० असार । उपराष्ट्रपति नन्दबहादुर पुन (पासाङ) शुक्रबार थापाथलीस्थित नर्भिक अस्पताल पुगि स्वास्थ्य जाँच गराएका छन् । दायाँ हर दुख्ने समस्या भएपछि उनी परीक्षणका लागि नर्भिक पुगेका हुन् ।

सो क्रममा उपराष्ट्रपति पुन अस्पतालमा करीब दुई घण्टा रहेका थिए ।

उनलाई डा. लक्ष्मण रिजाल र डा. शिवजी सिलवालले स्वास्थ्य परीक्षण गरेका थिए ।

अस्पतालमा उपराष्ट्रपतिको दाहिने पाताको एक्सरे, विभिन्न खालका रगत परीक्षण, मुटुका लागि इको तथा टिएमटी लगायतका परीक्षण गरिएको थियो ।

सो क्रममा उहाँको स्वास्थ्यमा खासै समस्या नदेखिएको चिकित्सहरुले बताएका छन् ।