आइतबार सेनाको छाउनी अस्पतालमा फाइजर खोप लगाईदै
काठमाडौँ, १६ पुस । स्वास्थ्य कार्यलय काठमाडौँले आगामी आइतबार छाउनीस्थित वीरेन्द्र सैनिक अस्पतालमा कोभिडविरुद्धको फाइजर खोप सञ्चालन गर्ने भएको छ । यसअघि पहिलो डोज लगाएर छुटेका १२ देखि १७ वर्ष उमेर समूहका बालबालिकालाई लक्षित गर्दै खोप सञ्चालन गर्न लागेको हो ।
‘हामीसंग थोरै मात्रा खोप बाँकी रहेको छ । यसलाई पहिलो डोज लगाई दोस्रो डोज लगाउन छुटेका बालबालिकालाई दिने योजना बनाएका छौ,’ स्वास्थ्य कार्यालय काठमाडौँका प्रमुख शम्भू काफ्लेले भने ।
उनका अनुसार खोप उपलव्धताको आधारमा थप एक अस्पतालबाट पनि सो दिन खोप सञ्चालन गर्न खोजिएको छ ।
‘खोप के कति छ, आज दिउसो निधो गर्दछौँ, धेरै नै रहेछ भने अर्को एक ठाँउबाट पनि आइतबार फाइजर चलाउन सक्छौँ,’ उनले भने ।
अहिले लगाउने फाइजर अघिल्लो खेपमा ल्याइएको हो । अति कम तापक्रममा भण्डारण गर्नुपर्ने यो खोप सामान्य तापक्रममा राख्दा बिग्रने डर हुन्छ ।
सम्पर्क इमेल : nepalihealthnews@gmail.com