हराएको वा हारेको छैन कोरोना

- नेपाली हेल्थ

डा. रामकृष्ण बराल

डा. रामकृष्ण बराल

हराएको वा हारेको छैन कोरोना
हामी बीच नै घुम्दै छ !
डराउनै छाड्यो मनुष्य
भिड भाडमा रम्दै छ !!

हराएको वा हारेको छैन कोरोना
नयाँ नयाँ उत्परिवर्तन गरेको छ !
डराउनै छाड्यो मनुष्य
मास्कै समेत छाडेको छ !!

हराएको वा हारेको छैन कोरोना
विदेशतिर यसले थप उचाई भरेको छ !
डराउनै छाड्यो मनुष्य
खोप लगाउनबाट समेत पर सरेको छ !!

हराएको वा हारेको छैन कोरोना
नयाँ डर र त्रास छरेको छ !
डराउनै छाड्यो मनुष्य
आफ्नै मनमानीमा चलेको छ !!

हराएको वा हारेको छैन कोरोना
नेपालमा केहि तल झरेको छ !
प्रण गरौँ सुरक्षित रहन
सुनौँ जस्ले पढेको छ र जस्लाई परेको छ !!

डा. बराल नेपाल एपीएफ अस्पतालमा कार्यरत छन् ।


Facebook Comment


थप समाचार