कर्णाली, पाटन र पोखरा स्वास्थ्य विज्ञान प्रतिष्ठानमा कार्यवहाक उपकुलपति नियुक्त

  • डा रावल, डा गंगोल र गुरुङले पाए जिम्मेवारी
  • - नेपाली हेल्थ

    काठमाडौँ, १६ फागुन ।  कर्णाली स्वास्थ्य विज्ञान प्रतिष्ठान जुम्लाको कार्यवहाक उपकुलपतिको जिम्मेवारी डा मंगल रावलले पाएका छन् । सोमबार सहकुलपति समेत रहेका स्वास्थ्य तथा जनसंख्यामन्त्री हृदयेश त्रिपाठी एशोसिएट प्रोफेसर डा. रावल कार्यवहाक उपकुलपतिको जिम्मेवारी दिएका हुन् ।

    – डा. मंगल रावल

    चारवर्षअघि नियुक्त भएका उपकुलपति प्राडा राजेन्द्र वाग्लेको आइतबारदेखि कार्यकाल सकिएको थियो । ‘मैले आज पत्र पाएको छु,’ डा रावलले भने ।
    हाडजोर्नी विशेषज्ञ डा रावल अहिले प्रतिष्ठान अन्तरगर्तको अस्पताल निर्देशक थिए ।

    पाटन र पोखराको कार्यवहाक उपकुलपति रेक्टर र डीन
    यसैबीच मन्त्री त्रिपाठीले पाटन स्वास्थ्य विज्ञान प्रतिष्ठानको कार्यवहाक उपकुलपतिको जिम्मेवारी रेक्टर प्रा डा राजेशनाथ गंगोललाई दिएको छ ।

    कार्यबहाकको जिम्मेवारी पाएका डा. गंगोल सर्जन हुन् ।

    यस्तै, पोखरा स्वास्थ्य विज्ञान प्रतिष्ठानको रिक्त उपकुलपतिको पदको जिम्मेवारी डा. नरेन्द्रविक्रम गुरुङलाई दिइएको छ । उनी प्रतिष्ठानमा डिनका रुपमा कार्यरत थिए । डा. गुरुङ पनि सर्जन हुन् ।

    कर्णाली, पाटन,  र पोखरा स्वास्थ्य विज्ञान प्रतिष्ठानको उपकुलपतिको पदावधि आइतबार सकिएको थियो ।


    Facebook Comment


    थप समाचार