काठमाडौँ, १५ माघ । स्वास्थ्य तथा जनसंख्या मन्त्रालयले ‘फेलोसिप ट्रेनिङ इन बोनम्यारो ट्रान्सप्लान्ट सेलुलर थेरापी’ का लागि आवेदन माग गरेको छ ।

मन्त्रलायले सूचना जारी गर्दै ले भारतको इन्द्रप्रस्थ अपोलो हस्पिटल नयाँ दिल्लीमा हुने ‘फेलोसिप ट्रेनिङ इन बोनम्यारो ट्रान्सप्लान्ट सेलुलर थेरेपी’ फेलोसिपका लागि आवेदन माग गरेको हो ।

मन्त्रालयले स्वास्थ्य सेवाको स्थायी दरबन्दीमा कार्यरत बालरोग विशेषज्ञहरुलाई ३ दिन भित्र  निवेदन दिन सूचित गर्दै उक्त फेलोसिप तालिम लिन चाहने बालरोग विशेषज्ञले पीडियाट्रिक हेमाटोलोजि अंकोलोजि तालिम लिएको हुनुपर्ने मन्त्रालयले जारी गरेको सूचनामा उल्लेख छ।

निवेदन दिएका मध्येबाट मन्त्रालयले एक जना विशेषज्ञलाई उक्त फेलोसिप तालिमका लागि छनौट गर्नेछ।