काठमाडौँ उपत्यकामा थप ८३५ जनामा कोरोना संक्रमण
काठमाडौ, १० मंसिर । पछिल्लो चौविस घण्टामा काठमाडौँ उपत्यकामा थप ८३५ जनामा कोरोना संक्रमण देखिएको छ । बुधबार स्वास्थ्य तथा जनसंख्या मन्त्रालयले सार्वजनिक गरेको कोरोना अपडेटमा ३५० जना महिला र ४८५ जना पुरुष सहित थप ८३५ जना संक्रमित थपिएको उल्लेख छ ।
मन्त्रालयले उपत्यकामा तीन जिल्लामध्ये काठमाडौँमा ६३५ जना, भक्तपुरमा ८७ जना र ललितपुरमा ११३ जनामा संक्रमण भएको बताएको छ ।
पछिल्लो चौविस घण्टामा देशभर ९ हजार २१० जनाको पीसीआर गर्दा १ हजार ९४८ जनामा कोरोना पोजेटिभ देखिएको छ । यहि अवधीमा ३ हजार १४० जनाले कोरोना परास्त गरेको र २८ जनाको ज्यान गएको बताएको छ ।
पछिल्लो साता पीसीआर परीक्षण र संक्रमण दर घटदो क्रममा देखिएको छ तर मृत्यु दर भने कम देखिएको छैन् ।
सम्पर्क इमेल : nepalihealthnews@gmail.com