नेपालगञ्ज, १७ कात्तिक ।  भेरी अस्पताल नेपालगञ्जमा उपचाररत एक जना कोरोना संक्रमितको आइतबार राती मृत्यु भएको भएको छ । तुल्सीपुर उपमहानगरपालिका ९ दाङ निवासी ४८ बर्षीय पुरुषको आइतबार राती सबा ११ बजे मृत्यु भएको हो ।

मृत्यु भएका व्यक्तिलाई गत १० कात्तिकमा उपचारका लागि अस्पताल ल्याइएको थियो । ११ कात्तिकमा पीसीआर रिपोर्ट पोजेटिभ आएपछि उनको आइसोलेसनमा राखेर उपचार गरिएको थियो । तर स्वास्थ्यमा सुधार हुन नसकेको बाँके जिल्लाका कोरोना फोकल पर्सन नरेश श्रेष्ठले बताए ।

यो संगै जिल्लामा बाहिरी जिल्लाबाट आई मृत्यु हुनेको संख्या २१ पुगेको छ ।