काठमाडौँ, २ असोज । धूमपान विरुद्धको अभियानमा जिम्मेवार सरकारी निकाय सुस्ताइरहेका बेला निजी तथा गैर सरकारी संस्थाहरु भने अहिले पनि संक्रिय देखिन्छन् । उनीहरुले धूपपान विरुद्ध आफ्नै तरिकाले अभियान सञ्चानल गरिरहेका छन् ।

पछिल्लो समय काठमाडौँको लोकप्रिय यातायात कम्पनी साझा बसमा धूमपानविरुद्धको पोष्टर टाँसिएको छ । पोष्टरमा भनिएको छ, ‘धूमपानले प्रत्येक छ सेकेण्डमा एक जनाको ज्यान लिन्छ । धूमपान आजै त्यागौँ ‘

सोही पोष्टरमा राखिएको ह्यासट्यागमा सुधार सम्भव छ भनिएको छ ।

दैनिक हजारौँले यात्रा गर्ने साझा बसको यो पोष्टरले सूर्ति नियन्त्रण अभियानमा सहयोग पुग्ने देखिएको छ ।