काठमाडौँ, ३ भदौ । कानून, न्याय तथा संसदीय व्यवस्थामन्त्री भानुभक्त ढकालले इजाजत प्राप्त चिकित्सकले बिरामीमाथि खेलबाड गरेको प्रमाणित भए कानूनको भागीदार हुनुपर्ने बताएका छन् ।

शनिबार राजधानीमा आयोजित साक्षात्कार कार्यक्रममा मन्त्री ढकालले बिरामीको उपचार गर्दा असल मनसाय नराख्ने, अनावश्यक दुःख दिने र लोभलालचमा फसेर बिमारीलाई पटकपटक झमेलामा पार्ने चिकित्सकमात्र कानूनको कठघरमा पुग्ने बताए ।

मन्त्री ढकालले चिकित्सकलाई आश्वस्त पार्दै भने, “असल नियत राखेर उपचार गर्दागर्दै बिरामीको मृत्यु भए चिकित्सकले कानूनी झमेला व्यहोर्नु पर्दैन ।”