काठमाडौँ १ असोज । पत्रकारिताको माध्यमबाट क्यान्सर रोग रोकथाममा सहयोग पुरयाएको भन्दै नेपाल अर्वुद रोग निवारण संस्थाले गोरखापत्रका समाचारदाता सरोज ढुंगेललाई सम्मान गरेको छ ।

राजधानीमा शनिबार आयोजित संस्थाको ३५ औ वार्षिकोत्सव कार्यक्रममा स्वास्थ्य मन्त्री गिरिराजमणि पोखरेलले पत्रकार ढुङ्गेललाई अर्बुद रोग पत्रकारिता पदकद्धारा सम्मान गरेका हुन् ।
नेपाल अर्वुद रोग निवारण संस्थाका महासचिव विमल कुमार होडाले क्यान्सर रोग नियन्त्रणमा पत्रकारिताको माध्यमबाट जनचेतना फैलाउने काम गरेको भन्दै ढुंङ्गेललाई सम्मान गरिएको बताए ।
पदक पाएपछि ढुंगेलले क्यान्सर रोग रोकथामका लागि थप क्रियाशिल हुन जिम्मेबारी बढेको प्रतिक्रिया दिए ।