काठमाडौँ, ११ जेठ । श्राद्धको प्रसाद खाँदा गम्भीर विरामी भई उपचारका लागि टेकु अस्पतालमा भर्ना हुनेको संख्या २२ पुगेको छ । हिजो आकस्मिक कक्षमा भर्ना भएका १४ बाहेक आज ८ जना थपिएपछि विरामीको संख्या २२ पुगेको हो ।

आज थपिएका विरामीहरुमा ८ बर्षकी अन्जीला आचार्य, १२ बर्षका उज्वल आचार्य, ९ बर्षकी रोशनी माझी र ७ बर्षका पुस्कर आचार्य छन् । त्यसै गरी २० बर्षकी प्रमिला दाहाल, ४५ बर्षकी यसोधा दाहाल, ४२ बर्षका इन्द्रबहादुर पाण्डे र २६ बर्षका किरण वस्ती पनि विरामी परि आज टेकु अस्पतालमा भर्ना भएका छन् ।

अस्पतालका निर्देशक डा रमेशकुमार खरेलले अन्जीला, उज्वल र रोशनी माझी सितापाइलास्थित मनमोहन अस्पतालबाट र पुस्कर गल्छी अस्पतालबाट रिफर भएर आएको बताए ।

मंगलबार बेलुकाबाट विरामी परेपनि उनीहरुलाई बुधबार अपरान्ह ४ बजेमात्रै काठमाडौँ ल्याइपुरयाइएको थियो ।विरामी सबैलाई ग्यास्ट्रो वार्डमा भर्ना गरि उपचार भईरहेको छ । निर्देशक डा खरेलले भर्ना भएका सबैलाई फुडपोईजनिङको उपचार भईरहेको बताए ।

यो पनि हेर्नुहोस् …….

श्राद्धको प्रसाद खाँदा गम्भीर विरामी परेका १४ जनाको उपचार टेकु अस्पतालमा