काठमाडौँ, ४ जेठ । पीसीएल तथा बीएस्सी नर्सिङ उत्तीर्णहरुका लागि नेपाल नर्सिङ परिषदले लिने लाईसेन्स परीक्षा आगामी २४ असारमा हुने भएको छ । परिषदले आज सूचना प्रकाशित गरी आगामी आईतबार देखि परीक्षामा सहभागी हुन चाहने फारम भर्न सक्ने जनाएको छ ।

परिषदका अनुसार ११ असार सम्म नियमित फारम वितरण र दोव्वर दस्तुर तिरेर १६ असार सम्म फारम भर्न सकिने जनाएको छ ।

परिषदले परीक्षामा सहभागी हुन चाहनेले एक मुष्टरुपमा २ हजार ३ सय रुपैयाँ शुल्क बुझाउन पर्ने जनाएको छ ।