काठमाडौँ, ९ मंसिर – त्रिवि शिक्षण अस्पतालका आवासीय चिकित्सक(नेशनल रेजिडेन्ट डाक्टर एसोसियन)ले भोलीबाट बहिरंग (ओपिडी) सेवा बहिस्कार गर्ने भएका छन् । प्राडा गोविन्द केसीको माग पुरा गर्न दवाव दिन ओपिडीमा काम नगर्ने आवासीय चिकित्सकले जनाएका छन् ।

एसोसियसनका अध्यक्ष डा लिजन महर्जन र सचिव डा सचित शर्माद्धारा विहीबार जारी विज्ञप्तीमा डा केसीको जीवनरक्षाका लागि बाध्यतापूर्वक चालिएको कदम भनिएको छ ।

विगत बाह्र दिन देखि आमरण अनसनरत डा केसीको स्वास्थ्य अवस्था कमजोर हुँदै गएको बताइएको छ । उनका मागका सम्वन्धमा सरकारले ठोस कदम चालेको भने देखिएको छैन् ।