शैक्षिक प्रमाणपत्र नक्कली भएको आरोपमा चितवनबाट तीन डाक्टर पक्राउ

doctor

चितवन ३ असार – शैक्षिक प्रमाणपत्र नक्कली बनाई चिकित्सकको काम गर्दै आएको आरोपमा तीन चिकित्सकलाई प्रहरीले नियन्त्रणमा लिएको छ ।

नियन्त्रणमा लिइएकामा डा. रजनी अग्रवाल, डा. सुनिल आचार्य र डा. राजन पुरी छन् । केन्द्रीय अनुसन्धान ब्युरो र जिल्ला प्रहरी कार्यालयको संयुक्त अनुगमन टोलीले अग्रवाल र आचार्यलाई भरतपुर–१० मा रहेको प्रगति पोलिक्लिनिकबाट र पुरीलाई गोर्खाको पालुङ्टारमा सञ्चालित शिविरबाट नियन्त्रणमा लिएको जिल्ला प्रहरी कार्यालयका प्रमुख प्रहरी उपरीक्षक वसन्तबहादुर कुँवरले जानकारी दिए ।

उनीहरुको अनुसन्धान समेत केन्द्रीय अनुसन्धान ब्युरोले गर्ने र आवश्यकता हेरी मुद्दा दर्ता गरिने कुँवरले बताए । रासस

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *