ललितपुर – स्वास्थ्यमन्त्री रामजनम चौधरीको पुल्चोकस्थित क्वाटर अगाडि अत्याधुनिक ड्रोन क्यामेरा खसेको छ । मंगलबार साँझ करिव ६ बजेतिर मन्त्री क्वाटर अगाडिको रुखमा ठोक्किइ ड्रोन क्यामेरा खसेको हो ।

अहिले उक्त ड्रोन क्यामेरालाई ललितपुर प्रहरीले नियन्त्रणमा लिई अनुसन्धान सुरु गरेको प्रमुख जिल्ला अधिकारी ऋषिराम शर्माले बताए ।

नेपालको कानूनले अनुमति विना ड्रोन क्यामेरा उडाउन पाइँदैन । यसअघि नेपाली सेनाको मुख्यालयमा ड्रोन क्यामेरा उडाएको आरोपमा दुई चिनियाँ पत्रकार पक्राउ परेका थिए ।