काठमाडौँ, ३० कात्तिक । स्वास्थ्य मन्त्रालयको बढुवा समितिले स्वास्थ्य सेवाको अधिकृत बाह्रौ तह अतिरिक्त स्वास्थ्य सचिव पद तर्फ रिक्त दुई पदमा बढुवा प्रक्रिया अघि बढाएको छ । समितिले आज सूचना जारी गर्दै योग्यता पुगेका ईश्छुक कर्मचारीले १५ दिन भित्र व्यक्तिगत विवरण बुझाउन भनेको छ ।

बाह्रौँ तहमा बढुवा हुनका लागि २०७९ असार मसान्तसम्म नेपाल स्वास्थ्य सेवा ऐनको दफा २६(१) बमोजिम सेवा अवधी पुरा भएका एघारौँ तहका अधिकृत कर्मचारीहरुले प्रतिस्पर्धा गर्न सक्नेछन् ।

सूचनामा उनीहरुलाई मन्त्रालयको वेवसाइटमा रहेको बढुवा सम्वन्धी व्यक्तिगत विवरण फारम डाउनलोड गरी सम्बन्धित निकायबाट प्रमाणित गराई पेश गर्न भनिएको छ ।