वीरमा आइतबारबाट एक सय शैय्याको आइसीयू सञ्चालनमा आउँदै

नेपाली हेल्थ २०७८ असार २३ गते १८:३८ 0

काठमाडौँ, २३ असार । वीर अस्पतालको नव निर्मित सर्जिकल ब्लकको आइतबार औपचारिक रुपमा उदघाटन हुने भएको छ । प्रधानमन्त्री केपी शर्मा ओलीले ५ सय शैय्या क्षमताको उक्त ब्लक आगामी आइतबार (२७ असारका दिन) उदघाटन गर्ने भएका हुन् ।वीर अस्पतालका उपनिर्देशक डा. नवीन पोखरेलका अनुसार नव निर्मित व्लक उदघाटन पछि आइतबारबाट १०० शैय्याको आइसीयू पनि सञ्चालनमा आउनेछ । यो सञ्चालनमा आएपछि वीर अस्पताल नेपालकै सबैभन्दा ठूलो आइसीयू भएको अस्पतालको अस्पतालको रुपमा दहरिनेछ ।यसअघि यो भवन ५ फागुन मै उदघाटन हुने भनिएको थियो । तर त्यसबेला तयारी सम्पन्न भइनसकेका कारण रोकिएको थियो ।

कुल १७ रोपनी क्षेत्रफलमा बनेको यो भवनमा पहिले ७५० शैय्या रहने बताइएको थियो । सम्झौँताका बेलामा भने ६५० शैय्या रहने भनिएको थियो तर अब सञ्चालनमा आउँदा बिरामीका लागि ५१० शैय्यामा मात्रै हुने भएको छ । भवनको छैटौँ तल्लामा चिकित्सा विज्ञान राष्ट्रिय प्रतिष्ठान (न्याम्स) को कार्यालय राखिने भएपछि शैय्या कम हुने भएको हो ।

अण्डरग्राउण्ड २ सहित ९ तल्ले यो ब्लक निर्माणका लागि जेआईइसी तथा शर्मा रसुवा कन्स्ट्रक्सन प्रालिले दुई अर्ब ३४ करोड रुपैयाँमा ठेक्का लिएको थियो । लगभग तोकिएको समयमै निर्माण सम्पन्न भएपनि कोरोना महामारीका औपचारिक उदघाटन हुन सकेको थिएन । बरु उदघाटन नभई कनै सो ब्लकमा कोरोना संक्रमितलाई राखेर उपचार गरिएको थियो ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : [email protected]

सम्बन्धित खवर

‘डेढ महिनासम्म चुटाई खाईरहनु पर्ने, खान नपाईने भएपछि फेल भयो मेरो मिर्गौला’