एजेन्सी । रुसले उत्पादन गरेको कोभिड -१९ बिरुद्धको खोप स्पुतनिक भी गम्भीर बिरामीका लागि ९२ प्रतिशत र मध्यम अवस्थाका बिरामीका लागि सत प्रतिशत प्रभावकारी भएको पाइएको छ ।

स्पुतनिक भी खोपको प्रभावकारिताको बारेमा द ल्यानसेटले मंगलबार ट्रायलको प्रारम्भिक प्रतिवेदन प्रकाशित गरेको छ ।

ल्यानसेटका अनुसार खोपको प्रभावकारिताको जाँच गर्नका लागि १९ हजार ८६६ जनामा यो खोपको परीक्षण गरिएको थियो । जसमा लगभग तीन चौथाईँ अर्थात १४ हजार ९६४ जनालाई दुई डोज र एक चोथाईँ अर्थात ४ हजार ९०२ जनालाई पहिलो डोज खोप लगाइएको थियो ।

दुबै खोप लगाएकामध्ये २१ दिनमा १६ वटा केशमा देखा परयो । यस्तै ६२ केश भने पहलो खोप लगाएकाहरुमा देखिएको थियो ।
ट्रायलमा २ हजार १४४ जना ६० बर्ष भन्दा बढी उमेरका व्यक्ति सहभागि थिए ।

ल्यानसेटमा प्रकाशित यो रिपोर्टले यसअघि आलोचनामा परेको स्पुतनिक भीको ख्यातीलाई राहत पुगेको छ ।

त्यसो त अहिले पनि यो खोप अर्जेन्टिना, भेनेजुएला, हंगेरी, युएई, इरान लगायतका देशहरुले आकस्मिक प्रयोगका लागि अनुमति दिई सकेका छन् ।