काठमाडौँ, १९ असार । नेपालमा कोरोना संक्रमण बाट आज थप एक जनाको मृत्यु भएको छ । मृत्यु हुनेमा काठमाडौँ नयाँ बानेश्वर निवासी ८५ वर्षीय पुरुष हुन् ।

स्वास्थ्य मन्त्रालयका प्रवक्ता डा. जागेश्वर गौतमका अनुसार उच्च रक्तचाप र पार्किन्सनको वृद्ध  बिरामी छाती दुख्ने र पिसाब कम भएको समस्या देखिएपछि अस्पताल भर्ना भएका थिए ।

अस्पतालको आइसोलेसनमा राखी उपचार भइरहेका बेला उनको मृत्यु भएको हो ।

यो सहित नेपालमा कोरोना संक्रमणबाट मृत्यु हुनेको संख्या ३२ पुगेको छ।