काठमाडौँ, २९ माघ । स्वास्थ्य तथा जनसंख्या मन्त्रालयले लामो समय देखि विना जानकारी अनुपस्थित रहेका दुई जना कर्मचारीलाई विभागीय कारवाही गरेको छ ।

मन्त्रालयको कर्मचारी प्रशासन महाशाखाले आँपपिपल अस्पताल गोरखामा पदाधिकारी रहेका ल्याव असिस्टेन्ट (पाँचौँ तह)का कुमार प्रसाद शर्मा र जिल्ला जनस्वास्थ्य कार्यालय गोरखामा पदाधिकार रहेको विमला वाग्लेलाई विभागीय कारवाही गरेको हो ।

मन्त्रालयले उनीहरुलाई भविस्यमा सरकारी सेवामा अयोग्य नठहरिने गरी सेवाबाट हटाएको जनाएको छ ।

कारवाही विवरणमा शर्मा २०६२ कात्तिक १ देखि र वाग्ले २०६३ असोज ६ गते देखि विना जानकारी अनुपस्थित भएको उल्लेख छ । मन्त्रालयले सोही मितिबाट विभागीय सजाय लागू भएको जनाएको छ ।