काठमाडौँ, ३ पुस । भ्रष्टाचार गरेको अभियोगमा अख्तियार दुरुपयोग अनुसन्धान आयोगले गण्डकी प्रदेश स्वास्थ्य निर्देशनालयका प्रमुख डा तारानाथ पौडेलविरुद्ध विशेष अदालतमा मुद्धा दायर गरेको छ ।

डा पौडेललाई दुई साता अघि अख्तियारको टोलीले लोकसेवा आयोगको परीक्षा पास गरिदिने भन्दै परीक्षार्थीसंग १ लाख रुपैयाँ घुस लिएको भन्दै पोखराबाट पक्राउ गरेको थियो ।

अख्तियार प्रवक्ता रामेश्वर दंगालले डा पौडेलविरुद्ध एक लाख विगो कायम गरी भ्रष्टाचार निवारण ऐन २०५९ को दफा ३ को उपदफा (१) बमोजिम सजाय मागदावी गरी आरोप पत्र दायर गरिएको बताए ।