काठमाडौँ, १७ कात्तिक । नेपाल मेडिकल काउन्सिलले आज लिएको विशेषज्ञ चिकित्सकहरुको लाइसेन्स परीक्षा ( स्पेशल एक्जाम)मा ६६ प्रतिशत उत्तीर्ण भएका छन् ।

विहान ९ देखि ११ बजेसम्म स्वयंम्भूस्थित नेपाली सेनाको स्वास्थ्य विज्ञान संस्थानमा चलेको परीक्षाको नतिजा केही बेर अघि मात्रै प्रकाशित भएको थियो ।

काउन्सिल प्रवक्ता डा. कृष्ण अधिकारीका अनुसार आजको परीक्षामा कुल ५०३ जना सहभागी भएका थिए । ती मध्ये ३३२ जना (६६ प्रतिशत) उत्तीर्ण भए भने १७१ जना ( ३४ प्रतिशत) परीक्षार्थी अनुर्तीण भएका थिए । परीक्षाका लागि फारम भरेका ७ जनाले भने सहभागीता जनाएका थिएनन् ।

काउन्सिलले विशेषज्ञ चिकित्सकहरुका लागि लिने लाइसेन्स परीक्षा (स्पेशल एक्जाम)मा कुल ४२ विधाका विशेषज्ञ डाक्टरहरु सहभागी थिए । काउन्सिलको यो १४ औँ विशेष परीक्षा हो ।