काठमाडौँ, १४ असोज । विश्व मुटु दिवसको अवसर पारि बसुन्धरास्थित कान्तिपुर जनरल अस्पतालले निशुल्क स्वास्थ्य शिविर आयोजना गरेको छ । अस्पताल परिसरमा राखिएको उक्त शिविरमा १३९ जनाले निशुल्क स्वास्थ्य परीक्षण गराएका छन् ।

उक्त शिविरमा इसीजी, व्लड सुगर, कोलेस्टेरोल, तथा पिसाव परीक्षण निशुल्क गरिएको अस्पतालका अध्यक्ष डा बुद्धिमान श्रेष्ठले बताए ।

कान्तिपुर जनरल अस्पतालले विभिन्न अवसरमा उपत्यका र उपत्यका बाहिर समेत निशुल्क स्वास्थ्य शिविर गर्दै आएको छ ।

सामाजिक उत्तर दायित्व अन्तरगर्त स्वास्थ्य जनचेतना बढाउन तथा उपचारमा सहयोग पुरयाउन यस्तो शिविर आयोजना गरिएको डा. श्रेष्ठले बताए ।