काठमाडौँ, ३ साउन । सरकारले डा गोविन्द केसीलाई काठमाडाँै ल्याउने भएको छ । शिक्षा मन्त्री गिरिराजमणि पोखरेलले भर्खरै पत्रकार सम्मेलन गरी सो जानकारी दिएका छन् ।

त्यसका लागि शिक्षा सचिव सहितको टोली हेलिकप्टर लिएर जुम्ला पुगेको मन्त्री पोखरेलले बताए ।

उता जुम्लामा भने डा केसीलाई जवरजस्ती उठाउन लागिएको कर्णाली स्वास्थ्य विज्ञान प्रतिष्ठानका चिकित्सक विद्यार्थी तथा आम सर्वसाधारणले प्रदर्शन गरेका छन् ।

प्रतिष्ठान वरपर ठूलो संख्यामा प्रहरी परिचालन गरेको जुम्लामा रहेका डा नारायण कँडेलले जनाएका छन् ।

डा केसीलाई लिन नेपाली सेनाको हेलिकप्टरमा शिक्षा सचिव खगराज बराल, स्वास्थ्य सेवा विभागका महानिर्देशक डा गुणराज लोहनीसहितको टोली जुम्ला पुगेको मन्त्री पोखरेलले जानकारी दिएका हुन् ।

जुम्लाबाट उनलाई त्रिवि शिक्षण अस्पतालमा ल्याएर राखिने बताइएको छ ।