काठमाडौँ, १९ जेठ । आगामी २४ र २५ जेठमा हुने भनिएको नेपाल स्वास्थ्यकर्मी संघको सातौँ अधिवेशन स्थगित भएको छ । आयोजक पक्षले प्राविधिक तथा व्यवस्थापकीय तयारी नपुगेको भन्दै अधिवेशन स्थगित भएको जनाएको छ ।

शुक्रबारको बैठकले गरेको निर्णय भन्दै जारी गरिएको विज्ञप्तीमा अधिवेशनको नयाँ मिति तोकिएको छैन ।

यता अध्यक्षमा उम्मेद्धारी दिने घोषणा गरेका संघका सह अध्यक्ष ओम उपाध्यायले अन्तिम अवस्थामा अधिवेशन स्थगित गर्ने निर्णय अध्यक्षको स्वेच्छाचारी कदम भन्दै आपत्ति जनाएका छन् । उनले तत्काल अधिवेशनको मिति सार्वजनिक गर्न माग गरेका छन् ।

संघ कांग्रेस निकट स्वास्थ्यकर्मीहरुको संस्था हो ।