कालिकोट १९ माघ । जिल्ला स्वास्थ्य कार्यालय कालिकोटका प्रमुख डा. कौशल अलीमाथि दुर्व्यवहार भएको छ ।

जिल्लाको रासकोट नगरपालिका साविक सिउना गाविसमा आज भएको पूर्ण खोप कार्यक्रममा सहभागी हुन गएका बेला उनीमाथि कालोमोसो दलेर दुर्व्यवहार गरिएको हो ।

कार्यक्रम सकेर खाजा खाने क्रममा ४ – ५ जनाको समूहमा आएको अज्ञात व्यक्तिहरुले कालोमोसो दलेर फरार भएका थिए । यद्धपी कालोमोसो दल्ने व्यक्तिहरु नेकपा माओवादीका सम्वद्ध कार्यकर्ता भएको बताइएको छ ।

नेकपा माओवादी जिल्ला तहले डा. अलीले आर्थिक अनियमिता गरेको, प्रसूतिका बेला गलत अप्रेसनका कारण तीन जनाको ज्यान गएकोले पार्टीको निर्णय बमोजिम कालो मोसो दलिएको जनाएको छ ।

डा. अलीसंग सम्पर्क गर्ने नेपाली हेल्थको प्रयास भने सफल हुन सकेन ।