काठमाडौँ, २९ पुस । डा. गोविन्द केसीले अनसन तोडेका छन् । त्रिवि शिक्षण अस्पताल परिषर बाहिर जुत्ता सिलाउने सिरहाका नथुनिया मोचीबाट जुस पिउदै उनले अनसन तोडेका हुन् ।

सर्बोच्च अदालतले गत २३ पुसमा डा शशी शर्मालाई आइओएमको डीन बनाएपछि डा केसी अनसनमा उत्रिएका थिए । डा शर्माको चार दिने अवधी पुरा भएपछि हिजो देखि डीनमा पुन डा जगदीश अग्रवाल हाजिर भएका छन् ।

डा अग्रवाल हाजिर भएसंगै डा केसीले हिजो बेलुका नै स्वास्थ्य मन्त्री दीपक बोहरासंग ५ बुँदे सम्झौँता गर्दै अनसन तोडने निर्णय गरेका हुन् ।

प्रधानन्यायधीशको राजिनामा मुख्य मागका साथ अनसन सुरु गरेपनि पाँच बुँदे सम्झौँतामा कही केही उल्लेख छैन । तर अनसन तोडने क्रममा केसीले राजिनामाको माग यथावत रहेको बताएका छन् ।