काठमाडौँ, २१ मंसिर । निर्वाचन आयोगले आज भइरहेको मतदानमा अपांगता भएका, गर्भवती, विरामी, सुत्केरी र जेष्ठ नागरिक वा अशक्तलाई प्राथमिकता दिई सहज ढंगले मतदानको व्यवस्था मिलाउन मतदान अधिकृतलाई निर्देशन दिएको छ ।

आयोगले दृष्टिविहीन वा शारीरिक अशक्तता भएका मतदाताले आफै मत संकेत गर्न नसकेमा एकाघरका सदस्यले वा मतदान अधिकृतको सहयोगमा मतदान गर्न सक्ने व्यवस्था मिलाएको जनाएको छ ।

प्रतिनिधि तथा प्रदेश सभा निर्वाचन अन्तरगत आजको निर्वाचनमा ४५ जिल्लाका १ करोड २२ लाख ३५ हजार ९९३ जना मतदाताले मताधिकार प्रयोग गर्दैछन् । मतदान विहान ७ बजे देखि अपरान्ह ५ बजेसम्म हुँदैछ ।