काठमाडौँ, १९ मंसिर । त्रिवि चिकित्साशास्त्र अध्ययन संस्थान (आइओएम)ले लिएको एमबीबीएस पुन: प्रवेश परीक्षामा सहभागी एक विद्यार्थीले आत्महत्या गरेका छन् ।

काठमाडौँ कोटेश्वर बस्ने प्यूठानका सुदन जिसीले गत आइतबार आत्महत्या गरेका हुन् ।

पारिवारिक स्रोतका अनुसार जिसीले गत शनिबार (१६ मंसिर)मा पुन प्रवेश परीक्षामा सहभागी भएका थिए । नतिजा हिजो सोमबार मात्रै प्रकाशित भएको थियो । जिसीले भने नतिजा प्रकाशित हुनु अघि नै आत्महत्या गरेका हुन् ।

परीक्षा पछि सोचे जस्तो राम्रो नभएको भन्दै चिन्तित समेत देखिएका थिए । सोही कारण आत्महत्या गरेको हुन सक्ने अनुमान गरिएको छ ।

जिसीले यसैबर्ष पेन्टागन कलेज तिनकुनेबाट विज्ञान विषयमा ७९ प्रतिशत ल्याइ प्लस टू उत्तीर्ण गरेका थिए ।