काठमाडौँ, १ कात्तिक । स्वास्थ्य मन्त्री दीपक बोहराले सरकार अध्यादेशमार्फत चिकित्सा शिक्षा ऐन ल्याउने तयारीमा जुटेको बताएका छन् । त्रिवि शिक्षण अस्पतालमा अनसनरत डा गोविन्द केसीसंगको भेटका क्रममा मन्त्री बोहराले सो कुरा बताएका हुन् ।

‘संसदबाट आएन तर अब अध्यादेशबाट ल्याउने हाम्रो तयारी छ । त्यसका लागि प्रधानमन्त्री जुटिरहनु भएको छ,’ मन्त्री बोहराले डा. केसीलाई सुनाए । डा केसीले भने आफूलाई पटक पटक धोका भएको भन्दै आश्वासनलाई आफूले विश्वास नगर्ने बताएका थिए ।

यसैबीच डा केसी पक्ष र सरकारी बार्ताटोलीबीच अहिले बालुवाटारमा माग पुरा गर्ने सम्वन्धमा छलफल भइरहेको बार्तामा सहभागी डा अभिषेकराज सिंहले बताए ।