काठमाडौं, १४ असोज । नेपाल चिकित्सक संघ र सरकारबीच विहीबार भएको सम्झौंतालाई अमान्य घोषित गर्दै सरकारी चिकित्सक संघ नेपाल (गोदान)ले आन्दोलन जारी राख्ने निर्णय गरेको छ ।

गोदानले विहीबार बेलुका विज्ञप्ती जारी गर्दै आफूहरुले चिकित्सकको उमेर हद ६५ बर्ष पुरयाउने नेपाल चिकित्सक संघको माग प्रति विमती राखिसकेको भन्दै, त्यसमा सम्झौँता हुनु र अरु मुख्य मागमा गोलमटोल किसिमले सम्झौता गरिनु आन्दोलनको मर्म विपरित हो भन्दै आन्दोलन जारी राख्ने निर्णय गरेको हो ।

‘जेल वीथ आउट बील’ लगायतका विभिन्न माग राखी आन्दोलनको नेतृत्व गरेको नेपाल चिकित्सक संघ र सरकारबीच हिजो चार बुँदे सम्झौँता भएको थियो । सो सम्झौता पछि संघले अस्पताल बन्द सहितको आन्दोलन फिर्ता लिएको घोषणा गरेको छ ।