काठमाडौँ, २५ असार । नेपाल नर्सिङ काउन्सिलले शनिबार लिएको १६ औँ नाम दर्ता(लाइसेन्स) परीक्षामा ४३.४५ प्रतिशत उत्तिर्ण भएका छन् । जुन अघिल्ला नतिजाका तुलनामा अत्यन्तै कम हो ।

लाइसेन्स लिनका लागि नर्सिङ विषय उत्तीर्ण गरेका कुल १८११ जनाले फारम भरेका थिए । तर परीक्षामा भने भने १८०४ जनामात्रै सहभागी थिए । त्यसमध्ये ७८४ जना उत्तीर्ण भएका हुन् ।

काउन्सिलका अध्यक्ष प्राध्यापक चन्द्रकला शर्माले यसपटक अघिल्ला परीक्षाका तुलनामा कम उत्तीर्ण भएको बताइन । उनले अघिल्ला परीक्षामा अनुतीर्ण भएर परीक्षा दोहोरयाउनेको संख्या धेरै भएकोले फेल प्रतिशत समेत बढेको हुनसक्ने संकेत गरिन । यसपटकको परीक्षामा अघिल्लो पटक अनुतीर्ण भएका करीब ८ सय सहभागी भएका थिए ।