काठमाडौँ, ९ साउन । काठमाडौं विश्वविद्यालय (केयु)ले स्कूल अफ मेडिकल साइन्सेजको डीन पदमा प्राडा मनोज हुमागाईंलाई नियुक्त गरेको छ । केयुले मंगलबार उनलाई डीनमा नियुक्त गरको हो ।

यसअघि डा राजेन्द्र कोजु डीन थिए। यस विभागमा उनले दुई कार्यकाल डीनका रुपमा जिम्मेवारी पुरा गरे । डा कोजुको कार्यकाल सोमबारबाट सकिएको थियो । केयूमा दुई पटकभन्दा बढी एकै व्यक्ति डीन हुन नपाउने व्यवस्था रहेको छ।

उनको कार्यकाल सकिएपछि रिक्त पदमा प्राडा हुमागाईँ नियुक्त भएका हुन् । नवनियुक्त डा हुमागाईं यसअघि सोही विभागको एसोसिएट डीन थिए।