काठमाडौँ, १७ असार । स्वास्थ्य तथा जनसंख्या मन्त्रालयले फार्मेसी समूहका दुई बरिष्ठ अधिकारीहरुको सरुवा गरेको छ ।

स्वास्थ्य मन्त्रालय स्रोतका अनुसार औषधि व्यवस्था विभागका प्रवक्ता समेत रहेका बरिष्ठ औषधि व्यवस्थापक सन्तोष केसीलाई बनस्पति विभागमा सरुवा गरिएको छ ।

उनको ठाँउमा राष्ट्रिय औषधि प्रयोगशालामा कार्यरत रहेका बरिष्ठ औषधि व्यवस्थापक पान बहादुर क्षेत्रीलाई ल्याइएको छ । मन्त्रालयले स्वास्थ्य सचिवस्तरीय निर्णय गर्दै यी दुई अधिकारीहरुको जिम्मेवारी हेरफेर गरेको हो ।