काठमाडौँ, २१ फागुन । पछिल्लो चौबिस घण्टामा कोरोना संक्रमितको संख्या शून्य रहेको छ । सोही अवधीमा १ जना संक्रमणमुक्त भई डिस्चार्ज भएका छन् । हिजो पनि कोरोना संक्रमितको संख्या शून्य नै रहेको थियो ।

स्वास्थ्य तथा जनसंख्या मन्त्रालयले आइतबार दिएको जानकारी अनुसार २६४ जनाको पीसीआर र १ हजार ५२२ जनाको एन्टीजेन बिधिबाट नमुना परीक्षण गर्दा कोरोना संक्रमितको संख्या शून्य रहेको हो।

त्यस्तै, देशभर ६ जना सक्रिय संक्रमित रहेका छन् । सबैजना होम आइसोलेसनमा रहेका छन् । आज ३ हजार ६५८ जनाले कोरोना बिरुद्धको खोप लगाएका छन् ।