काठमाडौँ, ३ माघ । प्रधानमन्त्री पुष्पकमल दाहाल ‘प्रचण्ड’ ले सुमेरु अस्पताल पुगेर नेकपा (माओवादी केन्द्र) का उपमहासचिव वर्षमान पुनलाई भेटेका छन् ।

स्वास्थ्यमा समस्या आएपछि पुन केही दिन अघि ललितपुरको सुमेरू अस्पतालमा भर्ना भएका थिए । गृह जिल्ला रोल्पा पुगेका पुनको स्वास्थ्यमा गम्भीर समस्या देखिएपछि गत शनिबार हेलिकप्टरमा काठमाडौँ ल्याइएको थियो ।

उनी लामो समयसम्म चीनमा उपचार गराएर गत पुस ५ गते स्वदेश फर्किएका थिए। उनी लामो समयदेखि  वंशाणुगत जण्डिसबाट पीडित छन्।