काठमाडौं, ३१ भदौ । लामो समय विना जानकारी अनुपस्थित भएको भन्दै वीर अस्पताल प्रशासनले आफ्ना दुई जना स्टाफ नर्ससंग स्पष्टीकरण मागरेको छ । अस्पतालले आज एक सूचना जारी सातौँ तहका दुई जना स्टाफ नर्ससंग १५ दिनको समयसिमा तोकेर स्पष्टीकरण मागेको हो ।

त्यसरी स्पष्टीकरण मागिएकाहरुमा सुनितासिंह डंगोल र सुनिता थापा हुन् । उनीहरुमध्ये २०८२ असोज १९ गतेदेखि र थापा २०७९ असोज २८ गतेदेखि विना जानकारी अस्पतालमा अनुपस्थित रहेका छन् ।

सामान्य त विदा स्वीकृत नगराई लगातार ६० दिन बढी अनुपस्थित रहेपछि विभागीय कार्वाही प्रक्रिया अघि बढ्ने गर्दछ । यी दुई नर्सका विषयमा पनि अस्पतालले विभागीय कार्वाही किन नगर्ने ? नगर्ने भए १५ दिन भित्र सफाई पेश गर्नु भनेर स्पष्टीकरण सोधेको छ ।

प्रशासनले तोकिएको अवधिभित्र स्पष्टीकरण पेस नगरेमा नियमावलीअनुसार आवश्यक कारबाही अघि बढाइने समेत भनेको छ ।