काठमाडौँ, २२ माघ । नेपाल मेडिकल काउन्सिलले शुक्रबार (हिजो) र शनिबार (आज) लिएको पोष्टग्राजुएट्स (पीजी) तहको लाइसेन्स परीक्षा (स्पेशल एक्जाम) को नतिजा प्रकाशित गरेको छ । परीक्षामा ७६.७६ प्रतिशत उत्तीर्ण भएका छन् ।

काउन्सिलका रजिष्ट्रार डा कृष्णप्रसाद अधिकारीका अनुसार परीक्षाका लागि फारम भर्ने ७३४ भएपनि परीक्षामा ७२३ जना सहभागी थिए । त्यसमध्ये ५५५ जना पास भएका हुन् । परीक्षामा ११ जना अनुपस्थित थिए ।

परीक्षा पुल्चोकस्थित इन्जिनियरिङ अध्ययन् संस्थानमा भएको थियो ।