चिकित्सक लाइसेन्स परीक्षामा ४९ प्रतिशत पास
काठमाडौँ, २५ पुस । नेपाल मेडिकल काउन्सिलले लिएको चिकित्सक नाम दर्ता (लाइसेन्स) परीक्षामा ४९ प्रतिशत उत्तीर्ण भएका छन् । काउन्सिलले आज प्रकाशित गरेको नतिजा अनुसार कुल २ हजार १५४ जना सहभागी भएको परीक्षामा १ हजार ४८ जना उत्तीर्ण भएका हुन् ।
काउन्सिलका प्रवक्ता समेत रहेका डा कृष्ण अधिकारीका अनुसार डेन्टल तर्फ ४३५ जनाले फारम भरेको भएपनि परीक्षा दिने बेलामा ४३२ जना सहभागी थिए । ती मध्ये १७७ जना पास भएका छन् । ३ जना परीक्षामा अनुपस्थित भएका छन् ।
यस्तै मेडिकल तर्फ १ हजार ७३४ जनाले फारम भरेको भएपनि परीक्षा दिने बेलामा १ हजार ७२२ जना मात्रै सहभागी भएका थिए । त्यसमा ८७१ जना मात्रै पास भएका छन् । मेडिकल समूह तर्फ परीक्षामा १२ जना अनुपस्थित भएका थिए ।
परीक्षा गत २२ देखि २५ पुस (आज)सम्म पुल्चोकस्थित नेपाल इन्जिनियरिङ संस्थानमा भएको थियो ।
सम्पर्क इमेल : nepalihealthnews@gmail.com