दक्षिण अफ्रिकामा कोरोनाको हालसम्मकै खराब नयाँ भेरिएन्ट फेला

- नेपाली हेल्थ

काठमाडौँ, १० मंसिर । दक्षिण अफ्रिकामा कोरोनाभाइरसको नयाँ भेरिएन्ट फेला परेको छ । त्यहाँका विज्ञहरुले दक्षिण अफ्रिकामा देखिएको नयाँ कोरोनो भाइरसको भेरियन्ट अहिलेसम्मकै खराब फेला परेको दाबी गरेका छन् ।

विज्ञहरका अनुसार दक्षिण अफ्रिकामा कोरोनाको नयाँ भेरिएन्ट देखा परेपछि बेलायती पर्यटकहरू धमाधम घर फर्किन थालेको बताइएको छ ।

‘बी.१.१.५२९’ नाम दिएर मंगलबार पुष्टि गरिएको उक्त नयाँ भेरिएन्ट धेरै संख्यामा उत्परिवर्तित भएको बताइएको छ । साथै, अहिले प्रयोगमा आएका कोरोनाविरुद्धका खोपहरू ती उत्परिवर्तित भाइरसविरुद्ध प्रभावकारी नहुनसक्ने पनि विज्ञहरुले दाबी गरेका  छन् ।

यसरी अहिलेको खोपले अहिलेको कोरोनाको नयाँ देखिएको भेरिएन्टमा प्रभावकारी काम गर्न नसक्ने भएपछि विज्ञहरुले चिन्ता व्यक्त गरेका छन् ।

हालसम्म कोरोनाको यो नयाँ भेरियन्ट बोत्सवाना, दक्षिण अफ्रिका र हङकङमा गरी ५९ जनामा देखिएको बताइएको छ ।

नयाँ भेरिएन्ट देखिएको अवस्था अहिले सुरुकै चरणमा रहेको र अहिलेसम्म धेरै बिरामीहरू दक्षिण अफ्रिकाको एउटा प्रान्तमा केन्द्रित रहेको बताइएको छ। तर यसको सङ्क्रमण थप क्षेत्रमा फैलिएका सङ्केतहरू देखिन थालेको बिज्ञहरुले बताएका छन् ।

बीबीसीको सहयोगमा


Facebook Comment


थप समाचार