काठमाडौँ, ४ कात्तिक । नेकपा माओवादी केन्द्रले पार्टीको स्वास्थ्य तथा जनसंख्या विभागको प्रमुखको जिम्मेवारी कल्पना धमलालाई दिएको छ । उनी डा बाबुराम भट्टराई नेतृत्वको सरकारका पालामा विज्ञान प्रविधि मन्त्री बनेकी थिईन ।
तत्कालिन अवस्थामा डा बाबुराम भट्टराई माओवादी केन्द्रबाट अलग भई नयाँ शक्ति पार्टी खोल्दा धमला भट्टराई नेतृत्वकै पार्टीमा लागेकी थिईन । तर नयाँ शक्ति पार्टी संघीय समाजवादी फोरमसंग मिसिएपछि उनी तत्कालिन नेकपामा प्रवेश गरेकी हुन् ।
पछि सर्बोच्च अदालतले नेकपाबाट एमाले र माओवादीलाई अलग गरिदिएपछि धमला माओवादी तर्फ लागेकी थिईन ।
पार्टीको बिहीबार बसेको स्थायी कमिटि बैठकले ३३ वटा केन्द्रीय विभागलाई पूर्णता दिँदै विभागका प्रमुखहरू तोकेको हो । बैठकले बढीमा ३५ सदस्य रहने गरी विभागहरू गठन गरेको हो ।
