शहीद धर्मभक्त राष्ट्रिय प्रत्यारोपण केन्द्रका निर्देशकबाट डा. ज्ञवाली हटाइए
काठमाडौँ, १ असोज । सरकारले भक्तपुरस्थित शहीद धर्मभक्त राष्ट्रिय प्रत्यारोपण केन्द्रका कार्यकारी निर्देशक रहेका डा प्रेमराज ज्ञवालीलाई जिम्मेवारी मुक्त गरेको छ ।
गत २५ भदौमा बसेको मन्त्रिपरिषद्को बैठकले डा ज्ञवालीलाई कार्यकारी निर्देशकबाट हटाउँदै त्रिवि शिक्षण अस्पताल महाराजगञ्जमै फिर्ता गर्ने निर्णय गरेको हो ।
डा ज्ञवाली तत्कालिन केपी ओली नेतृत्वको सरकारको पालामा प्रत्यारोपण केन्द्रमा ४ बर्षका लागि निर्देशक नियुक्त भएका थिए ।
शिक्षा मन्त्रालय अन्तरगर्तको त्रिवि शिक्षण अस्पतालबाट मानव अंग प्रत्यारोपण विकास समिति गठन आदेशलाई नै परिवर्तन गरि डा ज्ञवालीलाई नियुक्त गरेको भन्दै त्यसबेला स्वास्थ्य समूहबाट चर्को विरोध भएको थियो ।
स्वास्थ्य मन्त्रालयले डा ज्ञवालीलाई गत २९ भदौको मितिमा पत्र लेख्दै कार्यकारी निर्देशकबाट फिर्ता गरिएको बताएको छ ।
सम्पर्क इमेल : nepalihealthnews@gmail.com