काठमाडौँ,  १७ साउन । नेपाल फार्मेसी परिषदले शनिबार लिएको फार्मासिस्ट र फार्मेसी सहायक तर्फको नाम दर्ता (लाइसेन्स) परीक्षाको नतिजा प्रकाशित भएको छ । प्रकाशित नतिजा अनुसार फार्मासिस्ट तर्फ ५० प्रतिशत र फार्मेसी सहायक तर्फ १७ प्रतिशत उत्तीर्ण भएका छन् ।

परिषदका रजिष्ट्रार संजीवकुमार पाण्डेका अनुसार फार्मासिस्ट तर्फ ४४९ जनाले परीक्षा दिएकोमा २२६ जना उत्तीर्ण भएका छन् । फार्मेसी सहायक तर्फ ३२१ जनाले परीक्षा दिएकोमा ५५ जना मात्रै उत्तीर्ण भएका छन् ।

नतिजाले फार्मेसी सहायक तर्फको जनशक्तिको शैक्षिक स्तर कमजोर रहेको देखाएको छ । पाण्डेले फार्मेसी सहायक तर्फको जनशक्तिले थप मेहनत गर्नुपर्ने देखिएको बताए ।

परिषदले शनिबार लिएको १७ औँ नाम दर्ता परीक्षा हो ।

हेर्नुहोस नतिजा