बुधबार थप २९७९ जनामा कोरोना संक्रमण, १३३३ संक्रमणमुक्त

  • काठमाडौँ उपत्यकामा ५४३ जना थपिए
  • - नेपाली हेल्थ

    काठमाडौँ, २३ असार । बुधबार देशभर थप २ हजार ९ सय ७९ जनामा कोरोना संक्रमण देखिएको छ । यहि अवधीमा थप १ हजार ३ सय ३३ जना संक्रमणबाट मुक्त भई घर फर्किएका छन् ।

    स्वास्थ्य तथा जनसंख्या मन्त्रालयका प्रबक्ता डा कृष्ण प्रसाद पौडेलले दिएको जानकारी अनुसार पीसीआर बिधिबाट र एन्टीजेन विधिबाट गरी कुल ११ हजार ८ सय ९८ जनाको कोभिड १९ परीक्षण भएको थियो । सो परीक्षणबाट कुल २ हजार ९ सय ७९ जनाको कोरोना रिपोट पोजेटिभ आएको हो ।

    जसमध्ये आज काठमाडौँमा  ३९० ,भक्तपुरमा ६७ र ललितपुरमा ८६ जना गरी काठमाडौँ उपत्यकामा ५४३ जना थपिएका छन् ।

    देशभरका कोभिड अस्पतालका आइसीयूमा ५७१ र भेन्टीलेटर १६१ जना संक्रमित उपचाररत रहेको प्रबक्ता डा पौडेलले जानकारी गराए ।

    त्यसैगरी आज थप २८ जनाको मृत्यु भएको छ । यो संगै नेपालमा कोरोना संक्रमणबाट ज्यान गुमाउनेको संख्या ९ हजार २९१ पुगेको छ ।


    Facebook Comment


    थप समाचार