काठमाडौँ, ३० असोज । राप्रपाका अध्यक्ष कमल थापालाई कोरोना संक्रमण भएको छ । बिहीबार आएको पीसीआर परीक्षण रिपोर्टमा कोभिड – १९ पोजेटिभ देखिएको हो ।

थापा सहित उनको परिवारका सात जना सदस्यमा सङ्क्रमण देखिएको थापाका स्वकीय सचिव दामोदर वाग्लेले बताए ।

थापालाई सामान्य लक्षण देखिएको छ । यद्धपी स्वास्थ्य अवस्था भने सामान्य रहेको थापाले ट्वीटमार्फत उल्लेख गरेका छन् ।

सामान्य टाउको दुखेपछि बुधबार पीसीआरका लागि नमूना दिएको उनले बताए ।  तर, उनकी श्रीमतीमा भने सङ्क्रमण देखिएको छैन ।