काठमाडौँ, २५ असोज । शनिबार मध्यरात सरकारसंग आठ बुँदे सहमति  गरेका डा. गोविन्द केसीले आफ्नो १९ औँ अनसन तोडेका छन् । आइतबार विहान साढे ९ बजे अनसन तोडेका हुन् ।

कोभिड – १९ बाट निको भएका अस्पतालकै एक जना सफाई कर्मचारी ४६ बर्षका विकास नेपालीले उनलाई जुस पिलाएका थिए । जुस पिए लगत्तै उनलाई अस्पतालको आइसीयूमा उपचारका लागि लगिएको छ ।

डा केसीले विभिन्न छ बुँदे माग अघि सार्दै २८ दिन अघि जुम्लाबाट अनसन शुरु गरेका थिए ।