काठमाडौँ, २० असोज ।  मंगलबार काठमाडौँ उपत्यकामा थप १ हजार १७ जनामा कोरोना संक्रमण देखिएको छ । यो संख्या गत साता यताकै कम संक्रमण हो । तर, यो संख्या देशभर आज देखिएको कुल संक्रमणको ६५.५७ प्रतिशत हो ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो चौविस घण्टामा काठमाडौँमा ७८३ जना, भक्तपुरमा ११६ जना र भक्तपुरमा ११८ जना गरी कुल १ हजार १७ जनामा संक्रमण देखिएको छ ।

यस्तै पछिल्लो चौविस घण्टामा देशभर ११ हजार ४७ जनाको पीसीआर परीक्षण गर्दा १ हजार ५५१ जनामा कोरोना संक्रमण देखिएको छ । आज देशभरबाट २ हजार ३४० जना डिस्चार्ज भएका छन् ।