त्रिवि शिक्षण अस्पतालको कार्यकारी निर्देशक पदमा प्राडा दिनेश काफ्ले नियुक्त
काठमाडौँ, २४ भदौ । त्रिभुवन विश्वविद्यालय शिक्षण अस्पताल (टिचिङ अस्पताल)को कार्यकारी निर्देशक पदमा प्राडा दिनेश काफ्ले नियुक्त भएका छन् । त्रिवि चिकित्साशास्त्र अध्ययन् संस्थान (आईओएम) को डीन प्राडा दिव्यासिंह शाहको सिफारिसमा त्रिवि उपकुलपति प्राडा धर्मकान्त बास्कोटाले प्राडा काफ्लेलाई मंगलबार कार्यकारी निर्देशक पदमा नियुक्त गरेका हुन् ।
यसअघि त्रिविले डीन प्राडा शाहको संयोजकत्वमा तीन सदस्यीय सिफारिस समिति गठन गरेको थियो । उक्त समितिमा प्राडा घनश्याम गुरुङ र प्राडा रामचन्द्र अधिकारी सदस्य थिए ।
यसअघिका निर्देशक प्राडा प्रेम खड्गाले अनिवार्य अवकाश पाएपछि त्रिविले प्राडा रोहितकुमार पोखरेललाई तीन महिनाका लागि निमित्त निर्देशक बनाएको थियो ।
चार बर्षे कार्यकालका लागि निर्देशक नियुक्त भएका प्राडा काफ्लेले आजै अस्पताल पुगेर पदवहाली गरेका छन् ।
सम्पर्क इमेल : [email protected]