काठमाडौँ उपत्यकामा थप ४१५ जनामा कोरोना संक्रमण

- नेपाली हेल्थ

काठमाडौँ, १२ भदौ । पछिल्लो चौविस घण्टामा काठमाडौँ उपत्यकामा थप ४१५ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयद्धारा आज गरेको नियमित कोरोना ब्रिफिङमा प्रवक्ता डा जागेश्वर गौतमले काठमाडौँमा ३५०, भक्तपुरमा ५४ र ललितपुरमा ११ गरी कुल ४१५ जनामा कोरोना संक्रमण देखिएको पुष्टि गरे । यो संख्या उपत्यकामा एकै दिन देखिएको अहिलेसम्मकै सबेभन्दा बढी हो ।

उनले पछिल्लो चौविस घण्टामा देशभर ३३४ जना महिला र ५९३ जना पुरुष गरी कुल ९२७ जना कोरोना संक्रमित थपिएको जानकारी दिए ।

डा गौतमलले अहिले प्रदेश नं १ मा ४२, प्रदेश नं २ मा ४४ बागमती प्रदेशमा ८१ जना, गण्डकी प्रदेशमा ३ जना, प्रदेश नं ५ मा १५ गरी कुल १६४ जना संक्रमितहरु आइसीयूमा रहेको समेत जानकारी दिए ।

यस्तै प्रदेश नं १ मा ३ जना, बागमती प्रदेशमा १७ र प्रदेश नं ५ मा २ जना गरी कुल २२ जना भेन्टिलेटरमा रहेको समेत जानकारी दिए ।


Facebook Comment


थप समाचार